ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸ್ ಘಟಕ ಸುಳ್ಯ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಶ್ರೀ ಶಾರದಾಂಭ ಸೇವಾ ಸಮಿತಿ ಸುಳ್ಯ ಕಸಬಾ ಗ್ರಾಮ, ಸುಳ್ಯ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ ರವರ ವತಿಯಿಂದ ದಿನಾಂಕ:07.10.2025 ರಂದು ಮಧ್ಯಾಹ್ನ 03:00 ಗಂಟೆಯಿಂದ ಶ್ರೀ ಶಾರದಾದೇವಿ ಮೂರ್ತಿಯ ಶೋಭಯಾತ್ರೆಯು 12 ಸ್ತಬ್ಧಚಿತ್ರಗಳೊಂದಿಗೆ ಶ್ರೀ ಚೆನ್ನಕೇಶವ ದೇವಸ್ಥಾನ ಬಳಿಯಿಂದ ಹೊರಟು ಕವಿಜಿ ಜಂಕ್ಷನ್ – ವಿವೇಕಾನಂದ ಸರ್ಕಲ್ – ಶ್ರೀ ರಾಮಪೇಟೆ ಜ್ಯೋತಿ ಸರ್ಕಲ್ -ಮೊಗರ್ಪಣೆ – ಹಳೇಗೇಟ್ ತಲುಪಿ ವಾಪಾಸ್ಸು ಶ್ರೀರಾಮಪೇಟೆ – ಕೆ.ಎಸ್.ಆರ್.ಟಿ.ಸಿ ಜಂಕ್ಷನ್ – ಗಾಂಧಿನಗರ – ವಿಷ್ಣು ಸರ್ಕಲ್ ತಲುಪಿ ಪುನಃ ವಾಪಾಸ್ಸು ಕಟ್ಟೆ ಜಂಕ್ಷನ್ – ರಥಬೀದಿ ಮಾರ್ಗವಾಗಿ ಅಜ್ಜಾವರ ಗ್ರಾಮದ ಕಾಂತಮಂಗಲ ಪಯಸ್ವಿನಿ ಹೂಳೆಯಲ್ಲಿ ವಿಸರ್ಜನೆ ನಡೆಯಲಿದ್ದು, ಈ ಸಮಯ ಸುಮಾರು 5000 ಜನರು ಸೇರುವ ನಿರೀಕ್ಷೆ ಇದ್ದು, ಸುಳ್ಯ ಪೇಟೆಯಲ್ಲಿ ಮಾಣಿ – ಮೈಸೂರು ರಾಷ್ಟ್ರೀಯ ಹದ್ದಾರಿ 275 ಹಾದು ಹೋಗಿದ್ದು, ಶೋಭಯಾತ್ರೆ ಸಮಯದಲ್ಲಿ ಸುಳ್ಯ ಪೇಟೆಯಲ್ಲಿ ವಾಹನದಟ್ಟಣೆ ಉಂಟಾಗಿ ರಸ್ತೆ ಸಂಚಾರಕ್ಕೆ ಅಡಚಣೆ ಉಂಟಾಗುವ ಸಾಧ್ಯತೆ ಇರುವುದರಿಂದ ವಾಹನಗಳ ಸುಗಮ ಸಂಚಾರಕ್ಕೆ ಬದಲಿ ಮಾರ್ಗವನ್ನು ಉಪಯೋಗಿಸುವ ಅವಶ್ಯಕತೆ ಇದ್ದು, ಮಡಿಕೇರಿಯಿಂದ ಸುಳ್ಯ – ಪುತ್ತೂರು -ಮಂಗಳೂರಿಗೆ ತೆರಳುವ ವಾಹನಗಳು ಪರಿವಾರಕಾನ ಉಬರಡ್ಕ ಮಿತ್ತೂರು ಕಂದಡ್ಕ- ಜಾಲ್ಕೂರು ಮಾರ್ಗವಾಗಿ ಪುತ್ತೂರು – ಮಂಗಳೂರು ತೆರಳುವಂತೆ ಹಾಗೂ ಮಂಗಳೂರಿನಿಂದ ಸುಳ್ಯ – ಮಡಿಕೇರಿ ಮಾರ್ಗವಾಗಿ ತೆರಳುವ ವಾಹನಗಳು ಜಾಲ್ಕೂರು ಗ್ರಾಮದ ಅಡ್ಕಾರು- ಪೇರಾಲು- ಅಜ್ಜಾವರ- ಕಾಂತಮಂಗಲ – ಕಟ್ಟೆ ಜಂಕ್ಷನ್ ಮಾರ್ಗವಾಗಿ ಮಡಿಕೇರಿ ತೆರಳುವಂತೆ ದಿನಾಂಕ:07.10.2025 ರ ಮಧ್ಯಾಹ್ನ 02:00 ಗಂಟೆಯಿಂದ ದಿನಾಂಕ:08.10.2025 ರ ಬೆಳಿಗ್ಗೆ 06:00 ಗಂಟೆಯವರೆಗೆ ವಾಹನ ಸಂಚಾರದ ಬಗ್ಗೆ, ಸದ್ರಿ ಬದಲಿ ಮಾರ್ಗವಾಗಿ ಚಲಿಸುವಂತೆ ಆದೇಶಿಸಬೇಕಾಗಿ ಕೋರಿ ಪೊಲೀಸ್ ಅಧೀಕ್ಷಕರು, ದಕ್ಷಿಣ ಕನ್ನಡ ಜಿಲ್ಲೆ, ಮಂಗಳೂರು ಹಾಗೂ ಉಪವಿಭಾಗಾಧಿಕಾರಿಗಳು, ಪುತ್ತೂರು ಉಪವಿಭಾಗ, ಪುತ್ತೂರು ಇವರು ಉಲ್ಲೇಖದಂತೆ ಈ ಕಛೇರಿಗೆ ಪ್ರಸ್ತಾವನೆಯನ್ನು ಸಲ್ಲಿಸಿರುತ್ತಾರೆ.
